2018 Dussehra Kab Hai Kyu Manaya Jata Hai – About Dussehra in Hindi

Doston kya apko malum hai ki Dussehra kya hai aur kyu manaya jata hai (About dussehra in Hindi)? Ye India me har saal bahut hi khushi ke sath manaya jata hai. Lekin kya aapne kabhi janne ki koshish ki hai ki iske peechhe ki kahani kya hai? Bahut sare log to bahut achhe se jante hai lekin kuch logo ko ye nahi malum ki Dussehra kyu manaya jata hai. Koi baat nahi aaj ki is post me hum isi topic par baat karenge. Dussehra kab hai 2018 me aur dussehra ke manaye jaane ki pichhe ki kahani kya hai. In sabhi baaton ki charcha hum yahan par karenge.  To chaliye jante hain Dussehra kya hai aur kyu manaya jata hai in Hindi.

Dussehra Kya Hai Aur Kyu Manaya Jata Hai(Dussehra in Hindi)

Dussehra hinduon ka ek bahut bada aur pramukh tyohar hai. Is festival ko Vijayadashmi ke naam se bhi pukara jata hai. Iske alawa kai log ise Aayudh Puja bhi  bolte hain. Ab main ye bhi bata deta hu ki har saal ye kab manaya jata hai. To jaan lijiye ki har saal Ashwin maas ke shukl paksha ki dashmi tarikh ko iska aayojan kiya jata hai. Yahi wo din tha jis Shri Ram ne Ravana ka vadh kiya tha.

Aur isi din Devi Durga 9 raat aur 10 din ki yudh ke uprant Mahisashur par vijay prapt kiya tha. Isiliye ise asatya par satya ki jeet ke roop me manaya jata hai. Yahi karan hai is dashmi ko Vijaydashmi ke naam se jana jata hai Dussehra = Dush-hora- Duswi tithi).

Dussehra saal ki teen sabse jyada important tarikhon me se ek hai. Iske alawa do hai wo Chaitra shukl aur kartik shukl ki pratipada hai. Dussera ko jeth ka dussera bhi bola jata hai.  Is din log puja karte hain naye kaam ki shuruat karte hain. Jaise koi account start karna, naya business, ya fir beej bona.

Aisa viswas kiya jata hai ki is din jo kaam shuru kiya jata hai usme jeet jarur milti hai. purane samay me raja log is din vijay ki prarthna kar ke Rann-yatra ke liye prasthan karte the. Is din jagah-jagah mele lagte hain. Melon me gazab ki bheed lagi hoti. Mela har tarah ki rang birangi dukano se bhara hota hai.

Dussehra se pehla har din Ramleela ka program rakha jata hai.  Aur fir Dashmi ko Ravana ka bahut bada putla banakar jalaya jata hai.

Dussehra Kab hai 2018? When is Dussehra in 2018

Is saal dussehra ka tyohar 19 october 2018 ke din manaya jayega.

Dussehra Kyu Manaya Jata Hai? (Why dussehra is celebrated in hindi)

Doston Dussehra kyu manaya jata hai ye adhiktar logo ko to malum hota hai. Lekin fir bhi Dussehra ke bare mein   kuch logo ko bahut thoda pata hota hai. To chaliye jante hain Dussehra ke bare mein ki akhir ye kyu manaya jata hai. Dussehra ke bare mein har kisi ko janna jaruri hai kyu ki ye bharat ka sabse bada festival hai. Dussehra ya Vijayadashmi Shri Ram ki vijay ke roop me manaya jata hai. Aur isi din Durga ki vijay Mahishasur par bhi sath me hui thi aur dono hi roopo me ye shakti pooja hai.

Jab Shri Ram aur Laxman Site mata ke sath vanwaas me the tab Ravan ne Seeta mata ka apharan kar liya tha. Ravan ka vadh kar ke dashmi ke din ko unhone astya par satya ki jeet ka pratik banaya . Mahishasur ek bahut bada adharmi aur krur asur tha. Uska vadh kar ke Durga ne duniya se adharm ka vinash kiya. Wo bhi isi din hua tha.

Yahi wajah hai ki vijayadashmi ke din dussehra ka tyohar manaya jata hai. Is din kafi harsh ullas ke sath log khushiyan manate hain. Ye tyohar bharat ke har kone me manaya jata hai.

Dussera ka mahatwa (Importance of Dussera)

Dussera ka tarditional yani sanskritik pehlu bhi hai. Bharat ek krishi pradhan desh hai. 90% kisaan hain. Jab ek kisaan kheti kar ke fasal ugakar anaaj apne ghar par lekar aata hai to uske khushi aur umang ki koi seema nahi hoti hai. Is khushi ko wo bhagwan ki kripa manta hai. Aur isi khushi ke liye wo bhagwan ki puja karta hai. Ye festival pure bharat me alag alag jagaho me alag alag tariko se manaya jata hai.

Maharshtra me is din shilangan ke naam se is din samajik utsav manaya jata hai. Shaam ke time me gaon ke log naye naye sundar sundar kapde pehen kar gaon ke seema me jate hain. Aur wahan par shami ped ke patton ke roop me gold loot kar wapas laate hain. Fir us swarn ko aapsa me baant lete hain.

Bhara ke alag alag Jagaho Ka Dussera

Dussera ya vijayadashmi Ram ki vijaya ke roop me manaya jaye ya fir durga puja ke roop me dono hi rupon me ye shakti ka tyohar hai. Isi din shashtra pujan ka bhi din hai. Ye harsh, ullas aur vijay ka parv bhi hai. Desh ke har koneme ye alag alag tarike se manaya jata hai. Jabki ye utne hi josh aur ullas ke sath dusre deshon me bhi manaya jata hai jahan prawasi bhartiya rehte hain.

Punjab

Punjab me dussera manane ka tarika ye hai ki log navratri ke 9 din upwaas rakhte hain. Is din log mehmaan ka swagat karte hain aur unhe bhent ke roop me uphar aur mithai dete hain. Yahan par ravan dahan kiya jata hai. Aur bahut sare maidan me mele ka ayojan kiya jata hai. Bazar lagte hain aur khushiyan hi khushiyan manayi jati hai har taraf.

Himacha Pradesh

Himachal pradesh ke Kullu sheher me manaye jane wala Dussera kafi famous hai. Aur jagaho ke jaisa yahan bhi 10 din pehle se hi iski taiyari shuru kar di jati hai. Admi aur aurat sabhi sundar sundar naye kapde pehen kar turhi, bigul, dhol, nagade jo bhi musical instrument hota hai use lekar bahar nikalte hain. Pahadi log apne gaon ki devta ka julus nikalte hain aur puja bhi karte hain. Devtaon ki murtiyon ko bahut hi aakarshak paalki me sundar dhang se sajaya jata hai. Sath hi wo apne mukhya devta raghunath ji ki puja bhi karte hain.

I julus me famous dancers bhi dance karte hain. Is tarah julus pure nagar ke main road se hote hue chakkar lagati hai. Aur kullu nagar me raghunath ji ki vandana karte hain Aur dussehra ka utsav shuru karte hain.Dashmi ke din is utsav ki shobha nirali hoti hai.

Kashmir

Kashmir ke minority Hindu Navratri ke parv ko bahut hi shradha se manate hain. Parivar ke sare sadasya sirf pani peekar 9 din tak upwas karte hain. Ye bahut purani prampara hai jiske anusar 9 dino tak log maata kheer bhawani ke darshan ke liye jate hain.

Ye mandir ek jheel ke Bilkul centre me yani bich bana hai.  Yahan ke logo ki manyata ki baat kare to inka kehna hai ki devi ne apne bhakton ko kaha ki agar koi anhoni hogi to yahan ka pani kala ho jayega. Aisa kaha jata hai ki Indira Gandhi ke hatya ke pehle aur bharat-pak yudh ke pehle yahan ka pani sachmuch kala ho gaya tha.

Gujarat

Gujarat ke log mitti se bane rangeen ghade ko devi ka pratik mana jata hai. Ise kunwari ladkiya apne sar par rakh kar nachti hain us dance ko Garba kaha jata hai. Garba dance is parv ki shaan hai. Aadmi aur aurat sabhi 2 chhote rangeen dande ke sath me music ki lay me aapas me bajate huye ghum ghum kar dance karte hain. Is festival ke time navratri ke 9 raat garba aur dandiya ke sath botaye jate hain. bade bde jagaho me dandiya program ka aayojan kiya jata hai. Ye Gujarat ki sabse pramukh pehchan hai. Navratri me sone aur gehno ko kharidna shubh mana jata hai.

South india (Tamilnadu, A.P, Karnataka, Kerala)

South india me dussehra ke time par 3 laxmi, saraswati aur durga ki puja ki jati hai. Pehle 3 din laxmi yani dhan ki devi ki puja ki jati hai. Uske agle 3 din saraswati , kala aur vidya ki devi ko puja jata hai. Last ke 3 din devi durga shaki devi ki archana ki jati hai. Puja karne ki jagah ko phoolon se sajaya jata hai. Iske sath pure jagah ko deepak se roshni ke sath bhar diya jata hai.

Log ek-dusre ko uphar aur mithaiyan dete hain. Yahan par dussehra khaskar bachon ke liye nayi chizen sihne ka waqt hota hai.

Karnataka me Mysore ka dussehra pure bharat me famous hai. Mysore me dussehre ke time pure sheher ki galiyon ko roshni se bhar diya jata hai. Iske alawa hathiyon ko saja ke julus bhi nikala jata hai. Is awsar par Mysore Palace ko bilkul dulhan ki tarah sajaya jata hai. Log torch ke sath dance aur music ke sath shobhayaatra nikali jati hai. In dravid pradeshon me ravanm dahan ka ayojan nahi kiya jata hai.

Ye bhi padhe. Raksha Bandhan Quotes with images

Bengal, Orissa Aur Assam

Yahan par dussehra durga pooja ke roop me manaya jata hai. Durga puja bengaliyon , oriya aur assam ke logo ka mahattwapurna tyohar hai.

Ye pure Bengal me 5 dino ke liye manaya jane wala festival hai. Orissa aur Assam me ye festival 4 dino ke liye manaya jata hai. Yahan badi badi aur bhavya pandaal banaya jata hai. Desh ke naami kalakaar ko bula kar murti taiyar karayi jati hai. Iske sath hi anya devi devtaon ki bhi murtiyan banayi jati hai.

Is festival ke dauran sabhi jagaho me mithaiyon ke chhote chhote stall lagaye jate hain. Yahan dus din ko alag alag tarike se manaya jata hai. Yahan 6th day devi durga ka bodhan, aamantran aur pran pratishtha ka aayojan kiya jata hai. Uske baad 7th, 8th aur 9th din ke subah aur shaam ko durga puja me log apna samay gujarte hain.

8th din mahapuja aur fir bali di jati hai. Dashmi ke din vishes puja ki ayojan ki jati hai. Prasad chadhaya jata hai aur prasad ko banta bhi jata hai. Aadmi aapsa me aalingan karte hain jise Kolakuli kehte hain.

Aurten devi ke maathe par sindoor lagati hai. Iske sath hi wo aapas me bhi sindoor lagati hai aur sindoor se khelte bhi hain. Is din Neelkanth pachhi ko dekhna bahut hi shubh mana jata hai. Antim din devi pratimaon ko bade bade truck me bhar kar visarjan ke liye le jaya jata hai. Visarjan ki ye yatra bhi bahut darshanik aur shobhniy hoti hai.

Vijaya Parv

Dussehra ke tyohar shakti aur shakti ki mahatva batane wala utsav hai. Navratri ke 9 din Jagdamba ki upasna kar ke shaktishali bana hua shakti shali bana hua manushya jeet pane ke liye taiyar rehta hai. Is tarah dussehra ka tyohar vijay ka pratik banm chuka hai.

Bhartiya sanskriti hamesha se hi veerta aur shaurya ki samarthak rahi hai. Har samaj me veerta ka mahatva hota hai. Ye tyoar to veerta aur sharya ko darshata hai. Yadi kabhi yudh aniwarya hua to intezar karne se acha hai us par hamla kare. Yahi sahi rajniti hai. Ram ke samay se hi ye vijay prasthan ke roop me ye din pratik bam chuka hai. Ram ne ravan se yudh karne ke liye isi din prasthan kiya tha.

Ganga Dussehra Kab Hai 2018 Date

Ganga dussehra ke din mata Ganga ko yaad karte huye prarthana ki jati hai. Jo har insan ki bhakti aur mukti pradan karti hai. Gangaji sabhi jante hain ki devnadi hai. Wo sirf manushya ke kalyan ke liye dharti par bheja gaya hai. Dharti par unka avtaran jeshth shukl paksh ki dashmi ko hua tha. Isiliye ye din unke naam par Ganga Dussehra ke naam se prasidh hai.

Is tarikh ko agar smonday ho hast nakshatra ho to ye sabhi paap ko harne wala hota hai. Lekin chahe us time koi  bhi din aur koi bhi nakshatra ho fir bhi Ganga Dussehra ka parv ka vishesh mahatwa hota hai. Is din ganga snaan aur shri ganga ke pujan se dus tarah ke paap se ka nash karta hai. Isiliye ise Dussehra kaha gaya hai.

Conclusion

Ab to apko pata hi chal gaya hoga ki  Dussehra kya hai aur kyu manaya jata hai (About dussehra in Hindi). Iske alawa aapne ye bhi jana ki Ganga dussehra kab hai 2018 me date ka hai. ye parv vijay ka pratik hai. Aur ye desh ke har kone me alag alag tarike se manaya jata hai. Agar aapko ye jankari achhi lagi to ise facebook me jarur share kare.

Leave a Comment